Kontserba Ekologikoak

Serrats produktu ekologikoen sortan hegaluze kontserbak aurkituko dituzu, latan zein kristalezko potoan, baita Kantauriko antxoak eta sardinatxoak ere. Opari kutxa bat ere eskaintzen dugu, gure aukeren artean preziatuena. Serrats-en unibertso ekologikoko produktu guztiak biltzen ditu, oliba-olio birjina estra EKO botila batekin batera.

Arrain-kontserba horiek guztiak oliba-olio birjina estra ekologikoz estalita daude. Kalitate goreneko oliba-olioa, zentzu guztietan. Aroma eta zapore handiko olioa da, hondakin kimikorik gabea eta nekazaritza ekologikoaren baldintzekin landatutako olibekin egina. Ekolurra zigilua daukagu, hala ziurtatzeko. Bereizgarri propioa da, Euskadin ekoizten eta prestatzen diren elikagai ekologikoak identifikatzen dituena. Ekolurra bereizgarriak adierazten du elikagai ekologikoa dela, lurrari lotua, nekazaritza-ekoizpen ekologikoaren onura guztiekin, eta gainera, jasangarritasun-estandar gorenekin egina.

Horrez gain, arrain-kontserba ekologikoetako hegaluzea harrapatzeko, gure itsasoaren eta bertako espezieen jasangarritasuna bermatzen duten arrantza-tresnak baliatu dira. MSC (Marine Stewardship Council) ziurtagiria daukagu. MSC zigilu urdina duten produktuek ziurtatutako arrantza-mota jasangarria dute atzean. Izan ere, ardura digu egungo itsasoaren egoerak, eta are gehiago etorkizunekoak.